Видеото што претседателот Трамп го сподели на социјалните мрежи, во кое Барак и Мишел Обама се прикажани како мајмуни, беше осудено како расистичко од истакнати демократи.
При крајот на едноминутното видео објавено на платформата Трут сошл на Трамп, Обамовци се прикажани околу една секунда со нивните лица поставени на телата на мајмуни.
Во заднината, во моментот кога се појавуваат Обамовци, се слуша песната „The Lion Sleeps Tonight“.
Видеото ги повторува лажните обвинувања дека компанијата за броење гласачки ливчиња Доминион вотинг системс помогнала „да се украдат“ изборите во 2020 година од Трамп.
До рано утрово видеото имаше неколку илјади допаѓања.
Кабинетот на гувернерот на Калифорнија, Гевин Њусом, кој се смета за потенцијален демократски претседателски кандидат во 2028 година, ја осуди објавата.
Disgusting behavior by the President.
Every single Republican must denounce this. Now. https://t.co/X09h1mcj74
— Governor Newsom Press Office (@GovPressOffice) February 6, 2026
„Одвратно однесување од претседателот. Секој републиканец мора да го осуди ова. Веднаш“, објави прес-службата на Њусом на Икс.
Бен Роудс, поранешен заменик-советник за национална безбедност и близок соработник на претседателот Обама, исто така ја осуди ваквата визуелна порака.
„Трамп и неговите расистички следбеници нека ги прогонува сознанието дека идните Американци ќе ги прифатат Обамовци како сакани личности, додека него ќе го изучуваат како дамка во нашата историја“, напиша тој на Икс.
For everyone that is saying that Donald Trump didn’t post this pic of Barack and Michelle Obama as monkeys : YES HE DID ! Here is a screenrecording of last part of it ! All the Republicans/Conservatives need to denounce it , but we know they won’t 🤦🏻♀️ . https://t.co/92zzIzQhl5 pic.twitter.com/mvMBGCN1w2
— ✨MAMI 🧚♀️ (@Moms_know_) February 6, 2026
Обама беше првиот и единствен црн претседател во историјата на САД и ја поддржа демократската противкандидатка на Трамп, Камала Харис, за време на кампањата за претседателските избори во 2024 година.
Во првата година од својот втор мандат во Белата куќа, Трамп ја засили употребата на фабрикувани визуелни содржини на Трут сошл и на други платформи, честопати величејќи се себеси и исмејувајќи ги своите критичари.
Минатата година Трамп објави видео генерирано со вештачка интелигенција на кое Барак Обама е прикажан како е уапсен во Овалната соба и потоа зад решетки, облечен во портокалов затворски комбинезон.
Подоцна, тој објави и АИ-клип од лидерот на демократското малцинство во Претставничкиот дом, Хаким Џефрис, со лажни мустаќи и сомбреро. Џефрис таа слика ја нарече расистичка.
