Средбата со Владимир Путин е сè уште можна, изјави денеска американскиот претседател Доналд Трамп, додавајќи дека сè уште би сакал да одржи самит со рускиот лидер во Будимпешта.
Трамп го објави, а потоа го откажа предложениот состанок со Путин во унгарската престолнина минатиот месец, тврдејќи дека не „чувствува“ дека тоа би можело да донесе крај на украинскиот конфликт. И Кремљ и Белата куќа потоа нагласија дека разговорите се одложени, а не откажани.
„Секогаш постои шанса, има многу добра шанса“, им рече Трамп на новинарите кога денеска беше прашан за темата пред разговорите со унгарскиот премиер Виктор Орбан во Белата куќа.
Американскиот претседател го избегна прашањето дали самитот со Путин може да се одржи пред крајот на годината, но тврдеше дека би сакал да се сретне со рускиот претседател во унгарската престолнина во соодветно време.
„Ако го одржиме тоа, би сакал да биде во Будимпешта“, рече тој.
