Се чини дека надежта е во меѓувреме да се најде мирно решение што би ги ограничило нуклеарните амбиции на Иран.
Претседателот Трамп беше под лупа цела недела додека Израел и Иран ги чекаат неговите следни потези.
Според извештајот на американската Ен-би-си њуз, Трамп сè повеќе се потпира на тесен круг советници за да ја донесе оваа одлука.
Повикувајќи се на двајца претставници на Пентагон и еден висок функционер на администрацијата, Ен-би-си наведува дека Трамп се консултира со разни сојузници во и надвор од администрацијата, но дека одлуките најчесто се донесуваат во многу тесен круг.
Тоа е прашање што ја подели неговата политичка база, при што некои истакнати поддржувачи ги поддржуваат нападите врз Иран, додека други, подеднакво влијателни членови на движењето МАГА, жестоко се спротивставуваат.
Иако често бара мислење од поширок круг на луѓе, Трамп на крајот ги донесува повеќето клучни одлуки во консултација со мал број функционери, наведува Ен-би-си.
Овој внатрешен круг ги вклучува потпретседателот Џеј Ди Венс, шефицата на кабинетот Сузи Вајлс, заменик-шефот Стивен Милер и државниот секретар Марко Рубио.
