„Ни треба Гренланд“, кажа Трамп. „Што е многу важно – поради меѓународната безбедност мора да го имаме Гренланд. Не е прашање дали можеме без него. Не можеме“.
Трамп тврди дека американската контрола над Гренланд е прашање на мирот „за целиот свет“, а не само за САД, пренесува Си-ен-ен.
„Видете, има воени бродови насекаде кои поминуваат точно покрај Гренланд. Нема да го дозволиме тоа“, додаде американскиот претседател.
Trump: We need Greenland for international security. We have to have Greenland. It’s not a question of, ‘Do you think we can do without it?’ We can’t. pic.twitter.com/PRWOVDxE5h
— Republicans against Trump (@RpsAgainstTrump) March 28, 2025
Трамп кажа дека верува дека Данска и Европската унија го разбираат неговиот став за важноста на таа територија, но додаде со предупредување: „А ако не го разбираат, ќе мораме да им го објасниме“.
Гренландските политичари повеќе пати јасно дадоа до знаење дека се против анексија, а данската премиерка Мете Фредериксен го повика Трамп да ги почитува „основните правила на суверенитетот“.
Анкета спроведена во јануари покажа дека 85 отсто од жителите на Гренланд не сакаат да станат дел од САД, а речиси половина од анкетираните кажаа дека интересот на Трамп претставува закана, пренесува Ројтерс.
