„Претседателот Трамп ми кажа дека Соединетите Држави испратиле оружје до иранските демонстранти. Ми кажа: „Им испративме многу оружје. Ги испративме преку Курдите“, ги раскажа Јингст деталите од телефонскиот разговор.
Новинарот додаде дека претседателот Трамп верува дека Курдите го задржале тоа оружје за себе.
Си-ен-ен минатиот месец објави дека САД ги вооружуваат курдските групи со цел да поттикнат народно востание во Иран. Планот бил вооружените курдски сили да се судрат со иранските сили, што би им олеснило на иранските цивили да излезат на улиците и да протестираат.
По тие написи министерот за одбрана Пит Хегсет им кажа на новинарите дека американските цели не се засноваат на вооружување одредени групи.
„Ниту една од нашите цели не се потпира на поддршка на вооружувањето на која било конкретна сила. Свесни сме дека други субјекти можеби го прават тоа, но нашите цели не се насочени кон тоа“, кажа Хегсет во тоа време.
