„Ќе го почитуваме тоа и ќе престанеме со бомбардирањата“, кажа Трамп од Овалната канцеларија, во друштво на канадскиот премиер Марк Карни.
BREAKING: Trump just announced the U.S. will IMMEDIATELY halt bombings in Yemen after the Houthis called and surrendered.
“They don’t want to fight anymore… they have capitulated,” Trump said.
Houthi TERROR REGIME just folded. pic.twitter.com/9YgG1GLXE5
— Hananya Naftali (@HananyaNaftali) May 6, 2025
Тој се осврна на американската воена кампања против хутите која трае од средината на март, а почна како притисок врз оружената група да ги прекина нападите врз западните бродови во Црвено Море и нападите на Израел.
„Тие капитулираа, но што е најважно, ќе ги држиме за збор… Велат дека нема повеќе да разнесуваат бродови“, кажа Трамп.
Функционер на американското министерство за одбрана за Си-ен-ен кажа дека на американската војска синоќа ѝ било наредено да ги сопре нападите на хутите.
Израел во последните два дена интензивно го напаѓа јемен откако хутите во неделата испукаа балистичка ракета на главниот аеродром во Тел Авив Бен Гурион.
Изјавата на Трамп доаѓа по интензивните дипломатски активности во последните денови меѓу САД, Оман и хутите, според извори запознаени со ситуацијата. Договорот меѓу САД и хутите за меѓусебно ненапаѓање има цел да создаде момент за обнова на преговорите за иранската нуклеарна програма, тврдат изворите.
