Во својата објава, тој не спомена што би значело неговиот став во контекст на неговите претходни закани за анектирање на Гренланд, кој е дел од Данска, една од членките на НАТО.
Трамп ја презема и заслугата за зајакнувањето на НАТО, тврдејќи дека тој ги охрабрил членовите да ги зголемат трошоците за одбрана. Тој, исто така, тврди дека без него „Русија сега ќе ја имаше цела Украина“, и не пропушти остро да го критикува Нобеловиот комитет за тоа што не му ја додели наградата за мир.
Remember, for all of those big NATO fans, they were at 2% GDP, and most weren’t paying their bills, UNTIL I CAME ALONG. The USA was, foolishly, paying for them! I, respectfully, got them to 5% GDP, AND THEY PAY, immediately. Everyone said that couldn’t be done, but it could,…
— Commentary: Trump Truth Social Posts On X (@TrumpTruthOnX) January 7, 2026
Тој додаде дека Америка е обновена под негово водство, „единствената нација од која Кина и Русија се плашат и ја почитуваат“.
Целосната објава на Трамп:
„Запомнете, за сите тие големи обожаватели на НАТО, тие беа на 2 отсто од БДП, а повеќето не ги плаќаа сметките, сè додека не дојдов јас. САД, глупаво, плаќаа за нив! Со почит, ги доведов до 5 отсто од БДП, и тие плаќаат, веднаш. Сите велеа дека не може да се направи, но можело, бидејќи, пред сè, сите тие се мои пријатели. Без мојата вклученост, Русија сега ќе ја имаше цела Украина.
Запомнете, исто така, дека самостојно завршив 8 војни, а Норвешка, членка на НАТО, глупаво одлучи да не ми ја додели Нобеловата награда за мир. Но, тоа не е важно! Важно е што спасив милиони животи. Русија и Кина немаат никаков страв од НАТО без Соединетите Држави, и се сомневам дека НАТО би бил тука за нас ако навистина би ни требале. Сите се среќни што ја обновив нашата војска во својот прв мандат, и продолжувам тоа да го правам.
Ние секогаш ќе бидеме тука за НАТО, дури и ако тие не се тука за нас. Единствената нација од која Кина и Русија се плашат и ја почитуваат се САД обновени од ДЈТ. Направете ја Америка повторно голема! Претседател ДЈТ”
