Трамп на својата социјална мрежа Трут соушл напиша дека другите земји ја „искористувале старата добра Америка“.
„Нашите поранешни „лидери“ се виновни што дозволија ова, како и многу други работи, да ѝ се случат на нашата земја. Да ја направиме Америка повторно голема“, рече Трамп.
Трамп инсистира на тоа дека царините што ги воведе на 2 април се неопходни за ребаланс на глобалната трговија и за обновување на производството во САД.
Тој ја обвини Кина дека извршила „најголеми злоупотреби од сите“ и го критикуваше Пекинг за зголемување на царините како одмазда.
Трамп, исто така, ги повика Федералните резерви и централната банка на САД, да ги намали каматните стапки.
Претседателот на Федералните резерви Џером Пауел во петокот предупреди дека новите царини би можеле да ја зголемат инфлацијата и додаде дека треба да почекаме и да видиме како ќе се развива ситуацијата пред да донесеме одлука за каматните стапки.
