Министерството за надворешни работи на Естонија во Талин рече дека денеска три руски борбени авиони МиГ-31 влегле во воздушниот простор на членката на НАТО „без дозвола и останале таму вкупно 12 минути“ над Финскиот Залив.
Во кратко соопштение денеска руското Министерство за одбрана рече дека трите МиГ-31 извршувале рутински лет од Карелија, источно од Финска, до аеродром во регионот Калининград, руска енклава што граничи со Полска и Литванија.
Зборувајќи во Овалната соба, американскиот претседател рече дека „ќе ги разгледа“ извештаите.
„Ќе ме информираат за кратко време, па ќе ве известам за тоа вечерва или утре“, рече тој.
Запрашан за неговиот став за ситуацијата, Трамп рече: „Па не ми се допаѓа. Не ми се допаѓа кога тоа се случува. Може да биде голем проблем“.
