На почетокот на април Трамп најави бран царини кон земјите ширум светот, нагласувајќи во текстот на одлуката дека „американската индустрија повторно треба да стане приоритет“.
Падот на индустриското производство во САД ги намали и производните капацитети, а потребата од нивно зачувување е особено изразена во секторите за производство на автомобили и транспортна опрема, бродоградба и фармацевтска индустрија, се вели во текстот на одлуката објавен на 4 април.
На почетокот на векот уделот на САД во светското индустриско производство изнесуваше 28,4 отсто, а во 2023 година само 17,4 отсто, се додава.
Во средата, американскиот претседател потпиша и извршна наредба која треба на работниците да им ги обезбеди потребните нови вештини и знаења.
Министерствата за труд, образование и трговија треба да се фокусираат на потребите на работниците во секторите во развој, вклучително и оние овозможени од вештачката интелигенција (ВИ), според регулативата.
Целта е да се обезбеди дополнителна обука на милион работници годишно, се наведува во регулативата.
Некои од неговите економски советници го обвинуваат трендот на компаниите кои ги преселуваат фабриките во земји со ниски плати, предупредувајќи дека со тоа се намалува бројот на добро платени работни места за Американците без факултетски дипломи.
Тарифите би можеле да насочат повеќе американски клиенти да купуваат домашна стока. Но, очекуваната ренесанса на американското индустриско производство се соочува со повеќе пречки, вклучително и недостиг на квалификувани работници. САД веќе со децении обучуваат многу помалку работници, а фондот на работната група дополнително е исцрпена поради пензиските и антиимиграциските мерки, забележува Ројтерс.
Извршната наредба на Трамп треба да го префрли фокусот на владината поддршка од работните места за кои е потребно високо образование на квалификувани занимања за кои е потребна диплома од средно образование, како што се електричари, машинисти и медицински сестри. Ваквите работни места често бараат значителна обука, квалификации и стажирање, но во многу случаи не и диплома од факултет.
„По повеќегодишно насочување на Американците во економски непродуктивен постсекундарен факултетски систем, претседателот Трамп ќе го префрли фокусот на младите луѓе на подготовка за работа“, се вели во резимето.
„Сакаме нешто како центар за обука, нели, за добро платени работни места“, рече Трамп додека ја потпишуваше наредбата во Овалната соба.
Не е јасно колку државата ќе одвои за преквалификација, но целта е да се пренасочат „парите од неефикасните програми“, вели информиран извор.
