За време на билатералната средба во Овалната соба со јужноафриканскиот претседател Сирил Рамафоса, Трамп го изненади својот гостин пуштајќи видео на кое се гледа како левичарскиот опозициски лидер Џулиус Малема го извикува контроверзниот слоган против апартхејдот „Убиј го земјоделецот!“
Трамп тврдеше дека видеото прикажува масовна гробница во која се закопани околу илјада бели Африканци, кои, според него, биле убиени од јужноафриканската влада преку расно мотивирано одземање на земјиште.
Според Си-ен-ен, снимката прикажана во Овалната соба всушност покажува политички споменик, а не гробница, и служи како симболично обележје на смртта на белите земјоделци, а не како вистински гробишта.
BREAKING: CHAOTIC SCENE JUST BROKE OUT AT THE WH:
Trump explodes at reporter Peter Alexander and threatens to investigate NBC after he presses him about reports he’s keeping the $400M jet from Qatar. This is insane. pic.twitter.com/AwSJc7cS1A
— CALL TO ACTIVISM (@CalltoActivism) May 21, 2025
По неколку минути прикажување на снимката, за време на кое Рамафоса непријатно го праша Трамп дали може да добие повеќе информации за наводните локации на гробовите, Питер Александар го покрена прашањето за „небесната палата“ вредна 400 милиони долари“ – луксузен авион што катарското кралско семејство сака да го донира на американската влада.
Критичарите тврдат дека таков подарок би можел да претставува форма на поткуп и кршење на Уставната клаузула за приход, додека Трамп цврсто го бранеше прифаќањето на подарокот, тврдејќи дека би било „глупаво“ да се одбие таква понуда.
Александар го започна прашањето велејќи: „Господине претседателе, Министерството за одбрана објави дека ќе го прифати катарскиот авион за употреба како Ер Форс Уан“, но Трамп го прекина со извик: „За што зборуваш?!“
Рамафоса се обиде да одговори на тврдењата на Трамп за „геноцид“, но Трамп продолжи:
„Треба да си заминеш од тука. Каква врска има ова со катарскиот авион? Тие им даваат авион на американските воздухопловни сили, и тоа е одлично. Зборуваме за поважни работи!“
„Вие во Ен-би-си се обидувате да го одвлечете вниманието од она кое штотуку го прикажавме. Ти си ужасен новинар. Прво, го немаш она што е потребно за да бидеш новинар. Не си доволно паметен“, рече Трамп.
Потоа тој уште еднаш го пофали Катар за „многу убавиот чин“ на донирање на луксузен авион и повторно повика на истрага за Ен-би-си, нејзината матична компанија Комкаст и нејзиниот шеф Брајан Робертс.
„Ужасни сте, како ја водите таа мрежа, и ти си срамота. Нема повеќе прашања од тебе!“ рече Трамп.
Тој не застана тука – постојано се навраќаше на Александар, нарекувајќи го „гад“ и преправајќи се дека не му го знае името, додека продолжуваше да зборува за „теоријата на заговор за геноцид против белите земјоделци“.
Во еден момент, откако Трамп повторно ја критикуваше Ен-би-си за она што го нарече „лажни вести“ за авионот од Катар, Рамафоса се сврте кон Трамп и му рече: „Жал ми е што немам авион да ви дадам“.
„Би сакал да имаше“, му одговори Трамп.
Во меѓувреме, Трамп веќе ѝ се закани на друга телевизиска мрежа, Еј-би-си њуз, поради нивното известување за катарскиот авион.
„Зошто претседателот на одборот Боб Игер не презема ништо во врска со лажните вести на Еј-би-си, особено кога штотуку добив исплата од 16 милиони долари за лажно и клеветничко известување од „малиот Џорџ Слопадополус“?“, изјави Трамп оваа недела.
„Сите, вклучително и нивните адвокати, се информирани дека Еј-би-си не смее да вели дека Катар мене ми поклонува БЕСПЛАТЕН Боинг 747, бидејќи тоа не е вистина.“
„Всушност – и како што лажната Еј-би-си многу добро знае – оваа многу респектабилна земја донира авион на американските воздухопловни сили/Министерството за одбрана, НЕ НА МЕНЕ… Лажните вести на Еј-би-си се едни од НАЈЛОШИТЕ“, рече Трамп.
