„Тие сакаат состанок и го сакаат тој прекин на огнот“, им рече Трамп на новинарите на почетокот на вечерата.
На прашањето што го спречува мировниот договор, Трамп рече дека не мисли дека има застој и „мисли дека работите се движат многу добро“.
Трамп, кој вели дека е решен да стави крај на војната во Газа, се сретна во Белата куќа со израелскиот премиер среде индиректните разговори меѓу Израел и Хамас.
Во исто време, Бенјамин Нетанјаху објави дека го номинирал американскиот претседател за Нобелова награда за мир, предавајќи му го писмото што го испратил до норвешкиот комитет.
„Додека зборуваме, тој (Трамп) го обновува мирот, земја по земја, регион по регион“, изјави Нетанјаху.
Израелската армија утринава соопшти дека пет војници загинале во борбите на северот на Појасот Газа, каде што војната трае од октомври 2023 година.
