„Му реков на Путин: Ако влезеш во Украина, ќе ја бомбардирам Москва. Немам избор“, се слуша како вели Трамп на снимка од настанот за собирање средства. „Тој потоа рече: Не ти верувам. Но, ми веруваше 10 проценти“, додаде Трамп.
Американскиот претседател, исто така, тврдеше дека испратил слична порака до кинескиот претседател Си Џинпинг, предупредувајќи го дека САД ќе го бомбардираат Пекинг доколку Кина го нападне Тајван. „Тој мислеше дека сум луд“, изјави Трамп за Си. „Но, никогаш немавме проблем“.
Снимките од повеќе настани за собирање средства зад затворени врати во Њујорк и Флорида во 2024 година, добиени од новинарите Џош Дози, Тајлер Пејџер и Исак Арнсдорф, беа објавени во нивната нова книга „2024“. Досега не се објавени во јавноста. Од штабот на Трамп одбија да ја коментираат нивната содржина.
На снимките, Трамп изгледа порелаксиран и поотворен отколку во јавноста, а покрај заканите за надворешна политика, тој зборуваше и за депортацијата на студентите од протестите и тврдеше дека луѓето кои примаат социјална помош „секогаш ќе гласаат за демократите“.
CNN has EXCLUSIVE AUDIO of Trump telling donors in that YEARS ago during his 1st term it appears had a conversation with Putin he was able to deter Russia from Invading Ukraine by saying “He would BOMB THE SH*T out of Moscow” & then said to to Xi “He would bomb the Sh*t out of… pic.twitter.com/B8ha0lTnqG
— Johnny St.Pete (@JohnMcCloy) July 9, 2025
Трамп постојано се повикуваше на своите наводни разговори со Путин и Си за време на овие настани за да тврди дека ќе ги спречи војните во Украина и Газа доколку тој бил претседател наместо Џо Бајден – тврдење што редовно го повторува иако војните продолжуваат и денес.
Оваа недела, тој повторно изрази фрустрација поради отфрлањето на мировниот договор од страна на Путин, велејќи дека рускиот претседател „продава еден куп глупости“ на САД.
„Не сум задоволен од Путин“, рече Трамп за време на состанокот на кабинетот. „Многу сум незадоволен од нив.“
На една од вечерите за собирање средства, Трамп објави дека ќе ги исклучи сите студенти кои учествувале во протестите, алудирајќи на пропалестинските демонстрации на американските колеџи.
„Секој студент што ќе протестира, јас би го исфрлил од државата“, рече Трамп. „Тие луѓе направија голема грешка. Исфрлете ги и мислам дека тоа ќе престане.“
Кога еден донатор изрази загриженост дека „некои од овие студенти еден ден ќе ја водат оваа земја“, Трамп ги повика присутните да „бидат дарежливи“ за да му помогнат во реизборот. „Ако ме изберете мене, ќе го вратиме тоа движење 25 до 30 години наназад“, рече тој.
Откако повторно ја презеде функцијата, Трамп започна серија правни битки околу масовните депортации, вклучително и обиди за одземање на визите на студентските демонстранти – што предизвика правни спорови меѓу Белата куќа и судовите.
На друг настан, Трамп тврдеше дека републиканците имаат финансиски хендикеп бидејќи, како што рече, „социјалните случаи секогаш гласаат за демократите“. „Синдикатите даваат големи пари, јавниот сектор дава големи пари и тие имаат предност во социјалната помош“, рече тој.
Потоа им се обрати на своите еврејски донатори: „Единственото нешто што можам да им го кажам на моите еврејски пријатели е – мора да ги натерате да почнат да гласаат за републиканци“.
За време на тој митинг, Трамп се пофали и дека принудил богат донатор да ја зголеми својата донација од првичната понуда од еден милион долари на 25 милиони.
„И ми даде 25 милиони. Лудо“, изјави Трамп. „Мора да имате храброст да побарате. Мора да ги натерате да размислуваат така.“
