„Ќе биде отворен многу наскоро, ако ова успее“, кажа Трамп кога беше прашан за Ормускиот теснец. Под „ова“, тој очигледно мисли на ултиматумот кој му го постави на Иран во саботата, заканувајќи се дека ќе ја нападне енергетската инфраструктура ако Ормускиот теснец не се отвори во рок од 48 часа, а денес го продолжи тој ултиматум за уште пет дена.
На дополнителното прашање кој ќе го контролира теснецот и дали Иран ќе продолжи да има влијание врз протокот на нафта, Трамп одговори дека контролата може да биде поделена.
Journalist:
“Who’s gonna be in control of the Strait of Hormuz?”
🇺🇸🇮🇷 Trump:
“Uhhhh it’ll be jointly controlled.
Maybe me. Me and the next ayatollah, whoever that is. There will also be a serious form of regime change.
Look at Venezuela.”pic.twitter.com/dS9l4Af87X https://t.co/p4GkYbpDls
— Mario Nawfal (@MarioNawfal) March 23, 2026
На прашањето на новинарот кој конкретно би учествувал во таа контрола, Трамп одговори: „Можеби јас. Јас и ајатолахот, кој и да е ајатолахот, кој и да е следниот ајатолах“.
Тој додаде дека таков договор би вклучувал „многу сериозна форма на промена на режимот“, нагласувајќи дека, како што тврди, иранското раководство претрпе големи загуби. „Сите во режимот беа убиени“, кажа Трамп.
Војната меѓу САД и Израел од една страна и Иран од друга страна започна на 28 февруари со американско-израелски напади врз ирански цели, по што Иран возврати со ракетни и беспилотни летала низ регионот.
Конфликтот влезе во четвртата недела, со илјадници смртни случаи и проширување на нападите врз Израел, Либан и земјите од Персискиот Залив.
Ормускиот теснец, клучен поморски пат низ кој нормално поминува околу една петтина од светската нафта, е практично затворен за поголемиот дел од меѓународниот сообраќај од почетокот на војната, предизвикувајќи глобални нарушувања на енергетскиот пазар.
Иран се закани дека целосно ќе го затвори теснецот и ќе го минира Персискиот Залив ако Соединетите Американски Држави продолжат со нападите, додека Вашингтон инсистира на негово повторно отворање и размислува за понатамошни воени потези.
Во меѓувреме, американскиот претседател Доналд Трамп го продолжи рокот за Иран да го отвори теснецот за пет дена, велејќи дека се водат „продуктивни разговори“, иако Техеран негира дека постојат какви било преговори.
