Откако нов извештај на владата покажа дека американското стопанство изгубило на сила во првите три месеци годинава, републиканскиот претседател настојува да ја намали нервозата со тврдењата дека царините кои тој ги воведува на други земји нема да предизвикаат рецесија.
Трамп по седницата на својот министерски кабинет за тоа веднаш го обвини претходниот претседател на САД, Џо Бајден, а на својата администрација ѝ порача дека Кина поради царините „ќе има огромни тешкотии, бидејќи нивните фабрики не работат“.
Тој оцени и дека навистина не е потребен увоз во САД од земјата која е доминантен светски произведувач.
„Знаете, некој кажа „Па рафтовите ќе бидат празни!“. Па можеби децата ќе имаат две кукли наместо 30. Па можеби тие две кукли ќе бидат нешто поскапи од обично“, кажа Трамп.
Претходно вчера министерството за трговија соопшти дека американското стопанство изгубило на сила 0,3 отсто во првите три месеци оваа година во однос на истиот период минатата година.
Зад овој пад стои растот на увозот, бидејќи компаниите се обидуваат да предупредат на влијанието на растот на царините на автомобилите, челикот, алуминиумот и увозот од речиси секоја земја. Дури и позитивните знаци за зголемена домашна потрошувачка укажуваат дека робата се купува пред зголемените царини да доведат до поскапување на увозните производи.