Трамп кажа дека средбата со рускиот претседател Владимир Путин „поминала многу добро“, како и телефонскиот разговор доцна во ноќта со украинскиот претседател Володимир Зеленски и „различни европски лидери, вклучувајќи го и високо почитуваниот генерален секретар на НАТО“.
„По разговорот, сите се согласија дека најдобриот начин да се заврши оваа ужасна војна меѓу Русија и Украина е преку директен мировен договор, а не едноставно прекин на огнот, кој често не трае“, напиша Трамп.
A great and very successful day in Alaska! The meeting with President Vladimir Putin of Russia went very well, as did a late night phone call with President Zelenskyy of Ukraine, and various European Leaders, including the highly respected Secretary General of NATO. It was…
— Trump Truth Social Posts On X (@TrumpTruthOnX) August 16, 2025
Тој потврди дека Зеленски ќе се сретне со него во Овалната соба во понеделник попладне.
„Ако сè оди добро, тогаш ќе закажеме средба со претседателот Путин“, додаде Трамп.
Тој ја заврши објавата со пораката: „Потенцијално, милиони човечки животи би можеле да бидат спасени. Ви благодарам за вашето внимание!“
