„Го зголемуваме притисокот, заедно го зголемуваме притисокот. НАТО одлично се покажува, и тие исто го зголемуваат“, кажа Трамп на средбата со финскиот претседател Александар Стуб.
Трамп не прецизираше на што точно се однесува неговата изјава.
Тој додаде дека не верува во закана од руски напад врз Финска, но истакна дека Соединетите Американски Држави се подготвени да ги бранат своите сојузници во рамките на НАТО.
На прашањето дали планира да воведе нови антируски санкции, Трамп одговори: „Можно е“.
Според него, САД продаваат значителни количества оружје на земјите од НАТО, кои потоа го пренесуваат на Украина.
Трамп истакна дека САД немаат намера да го намалат своето воено присуство во Европа, но дека би можеле да извршат „прераспоредување на силите“ во регионот.
Американскиот претседател предложи и Шпанија да биде исклучена од НАТО затоа што Мадрид не сака да ги зголеми трошоците за одбрана.
