На прашањето кој му кажал дека убиствата престанале, Трамп кажа дека тоа се „многу важни извори од другата страна“, пренесува Ројтерс.
Трамп не ја исклучи можноста за американска воена акција, наведувајќи дека ќе „набљудува каков е процесот“, а потоа додаде дека американската администрација добила „многу добра изјава“ од Иран.
Коментарите на Трамп изгледаат како обид претпазливо да ги смири стравувањата дека кризата во Иран може да се претвори во поширок регионален конфликт, пишува Ројтерс.
Во телевизиско интервју во понеделникот Трамп предупреди дека Соединетите Американски Држави ќе преземат „многу силни мерки“ доколку иранските власти извршат егзекуции на демонстрантите кои ги приведоа за време на масовните немири.
