„Првиот пат имав две задачи, да ја водам земјата и да преживеам, имав работа со разни расипани луѓе“, кажа Трамп во интервјуто објавено вчера. „А вториот пат ги предводам земјата и светот“.
Од враќањето на функција во јануари, Трамп донесе низа опсежни извршни укази во различни области, при што неговите мерки во областа на миграцијата и трговијата предизвикаа најголемо внимание како и жестоки правни предизвици и критики од светските лидери.
Во областа на трговијата Трамп предизвика глобално негодување со најавата за воведување царини за повеќето светски земји, вклучувајќи ги најголемите американски трговски партнери, иако некои специфични мерки одложи до јули. Таквите потези предизвикаа несигурност на светските пазари и ја засилија економската загриженост.
Зборувајќи за Атлантик, Трамп се осврна и на прашањето на потенцијална трета кандидатура за Белата куќа, идеја за која претходно зборуваше, но која републиканските пратеници главно ја доживуваат како шега.
„Тоа не е нешто што планирам да го направам. И мислам дека би било многу тешко да се оствари“, кажа Трамп во интервјуто.
