„Гледам дека тој (Зеленски) се обидува да се повлече од договорот за минерални суровини. И ако го направи тоа, ќе биде во неволја. Ќе има големи, големи проблеми“, изјави синоќа Трамп.
Американскиот претседател врши притисок врз Зеленски да потпише договор со кој им се дозволува на американските компании да ископуваат украински руди додека се преговара за договор за прекин на огнот меѓу Украина и Русија.
„Се договоривме за тоа, а сега тој (Зеленски) вели дека сака повторно да преговара. Тој сака Украина да стане членка на НАТО. Затоа, тој никогаш нема да биде член на Алијансата и тој го разбира тоа. Затоа сега бара повторно преговори“, рече Трамп.
Претседателот на Украина во петокот вечерта изјави дека од САД добил нова верзија на договорот за стратешка експлоатација на украинските минерални суровини, што, според медиумите, е многу неповолно за Украина.
По повеќе од три години војна во Украина, Трамп сака да стави крај на конфликтот. За таа цел, тој стави крај на дипломатската изолација што Западот му ја наметна на рускиот претседател Владимир Путин по почетокот на руската инвазија на Украина.
Неговата администрација се залага за брз прекин на војната и води индиректни разговори со руски и украински претставници. Досега тие разговори не доведоа до никаков конкретен пробив.
