Центарот за притвор го доби неформалното име „Алигатор Алкатраз“ поради неговата локација опкружена со диви животни. Ќе има до 5.000 кревети за нелегални имигранти како дел од напорите на администрацијата на Трамп за депортација.
Објектот, неформално наречен „Алигатор Алкатраз“, е изграден на напуштената писта на аеродромот Дејд-Колиер, само 80 километри од резиденцијата на Трамп во Мар-а-Лаго, и ќе смести до 5.000 притвореници.
🚨Trump is on its way to “Alligator Alcateaz,” it has its runway👇 pic.twitter.com/NFGVpqGeS6
— Raylan Givens (@JewishWarrior13) July 1, 2025
„Центарот е опкружен со диви животни и еден пат. Само еден пат води внатре, единствениот излез е еднонасочен лет. Објектот е изолиран и опкружен со опасен див свет и суров терен. Тоа е ефикасен и евтин начин да се спроведе најголемата масовна депортација во американската историја“, изјави портпаролката на Белата куќа, Каролајн Левит.
Одлуката за пренамена на пистата ја донесе републиканскиот гувернер на Флорида, Рон Десантис, преку извршна наредба, а Трамп симболично дојде да ја отвори. Во свој стил, обраќајќи се кон толпата, претседателот на САД кажа: „Змиите се брзи, но алигаторите… Ќе ги научиме како да избегаат од алигатори ако избегаат од затвор! Не трчајте право. Трчајте цик-цак. Вашите шанси за бегство се зголемуваат за еден процент!“
This is Trump’s “Alligator Alcatraz.” I hope people see this for what it is — which is a cruel and inhumane gimmick concocted by a weak, sad, and sadistic human being. The heat will be excruciating. Older folks and those w/pre-existing conditions will die. pic.twitter.com/4aYuXwCBca
— Bill Madden (@maddenifico) July 1, 2025
Отпорот кон проектот доаѓа од многу страни. Бети Осцеола, членка на индијанското племе Микосуки, истакна: „Ова е нашиот дом. Место каде што доаѓаме за лекување, за билки, за молитва. Загрозувањето на овој простор го нарушува нашето постоење.“
Скептиците го истакнуваат прашањето за хуманите услови. „Како можат да стават пет илјади луѓе насред мочуриште во сезона на урагани? Луѓето ќе умрат. Четиристотини и педесет милиони долари годишно, за што?“, праша демонстрантката Тања Војчи.
Иако објектот се наоѓа во округот Мајами-Дејд, неговото финансирање во голема мера ќе биде покриено од Федералната агенција за управување со вонредни состојби (ФЕМА).
Trump is laughing about alligators possibly eating the people who try to escape from indefinite detention in his concentration camp.
Almost 72% of people ICE has taken have no criminal record.
This is about white supremacy, not immigration.
pic.twitter.com/dV4kO6bU9u— Melanie D’Arrigo (@DarrigoMelanie) July 1, 2025
Како дел од „најголемата масовна депортација во историјата“, администрацијата на Трамп веќе притвори рекордни 59.000 мигранти, што го надминува капацитетот за сместување за 140 отсто. Градењето центри како „Алигатор Алкатраз“ станува клучна алатка во тој процес.
„Кога имате нелегални убијци, силувачи и гнасни криминалци во притворен центар опкружени со алигатори, мислам дека тоа ќе ги одврати од обидот да избегаат“, додаде Левит.
