Трамп напиша на својата социјална мрежа Трут соушалl дека разговарал по телефон со мексиканската претседателка Клаудија Шејнбаум, опишувајќи го разговорот како „многу успешен“. Царините од 25 отсто за повеќето стоки од Мексико ќе останат на сила додека траат преговорите.
Претходно овој месец Трамп се закани дека ќе ги зголеми тарифите на 30 отсто. Денес, претседателот на Соединетите Американски Држави напиша на Трут соушал дека тарифите за автомобили сè уште ќе бидат 25 отсто и дека тарифите од 50 отсто за челик, алуминиум и бакар сè уште ќе важат.
Шејнбаум го изрази своето задоволство по телефонскиот повик. „Го избегнавме зголемувањето на тарифите најавено за утре и ни беа дадени 90 дена за да создадеме долгорочен договор преку дијалог“, напиша таа на социјалната мрежа Икс.
Tuvimos una muy buena llamada con el presidente de Estados Unidos, Donald Trump. Evitamos el aumento de aranceles anunciado para mañana y logramos 90 días para construir un acuerdo de largo plazo a partir del diálogo.
Me acompañaron Juan Ramón de la Fuente, secretario de… pic.twitter.com/in3W4eAICN
— Claudia Sheinbaum Pardo (@Claudiashein) July 31, 2025
Утре на сила ќе стапат повисоки царини за многу земји кога станува збор за увоз во САД, како што почнува следната фаза од трговската политика на Трамп. Некои земји, вклучувајќи ги Британија и Јапонија, веќе постигнаа договори со владата на Соединетите Американски Држави за намалување на царините.
Пред четири дена, по неколкумесечни преговори, Европската Унија се согласи на трговски договор со САД, според кој основната царинска стапка за извоз од ЕУ во САД ќе биде 15 отсто.
