„Џорџ Сорос и неговиот прекрасен син од радикалната левица, треба да бидат обвинети за РИКО поради нивната поддршка на насилните протести, и многу повеќе, низ Соединетите Американски Држави. ..Сорос и неговата група психопати и нанесоа голема штета на нашата земја! Тоа ги вклучува и неговите луди пријатели од Западниот брег. Бидете внимателни, ве набљудуваме!“, напиша Трамп во објавата на Трут соушл.
Претседателот не прецизираше кој син треба да се соочи со кривично гонење, но Сорос во 2023 година му ја даде контролата на неговата мултимилијардерска фондација Отворено општество на Алекс Сорос. Исто така, не е јасно на кои „пријатели“ мисли Трамп.
РИКО, или Законот за корумпирани организации под влијание на рекет, е една од најмоќните алатки на владата за сузбивање на организираниот криминал. Законот беше клучен во напорите за разбивање на американската мафија, дозволувајќи им на обвинителите да поврзат навидум неповрзани злосторства што се спроведувале како дел од криминален потфат.
