„Ќе почнеме со сите земји и ќе видиме“, изјави синоќа Трамп за новинарите, отфрлајќи ја можноста царинските мерки да важат само за мал број трговски партнери на Вашингтон.
По челикот и алуминиумот, а пред царините за автомобилите, американскиот претседател планира во среда да ги воведе своите таканаречени „реципрочни“ царини, што ќе ги промени правилата на светската трговска игра.
Трамп, кој 2 април го нарекува „Ден на ослободувањето“, планира да воведе нови царини кои ќе зависат од даноците што соодветните земји ќе ги наметнат за американските производи.
