Иако земјоделците ги отстранија тракторите од коловозите на речиси сите блокади, зголемениот интензитет на сообраќајот довде до сообраќаен метеж сличен на оној за време на празничната сезона, објавува Катимерини.
Сепак, протестите продолжуваат, а најавено е дека денес ќе биде организирана нова акција во Никеа, со блокада на обиколните патишта.
Според грчката државна телевизија ЕРТ, иако се отворени ленти за сообраќај на некои делови од патот, враќањето не поминало без проблеми.
Најголеми гужви се забележани, како за време на празничната сезона, на автопатот Атина-Ламија (ПАТЕ), особено во областите Мартина и Бралос, каде што возачите биле заглавени со часови и биле пренасочени кон заобиколни патишта според упатствата на сообраќајната полиција.
Според извештаите, илјадници патници поминале значително повеќе време враќајќи се, а во некои случаи патувањето на релацијата Солун-Атина и обратно траело повеќе од 10 до 12 часа.
Во неделата, двата правци на сообраќај беа отворени на наплатните пунктови во Малгара за да се олесни преминот на патниците, но беше објавено дека двата правци повторно ќе бидат затворени од 12 часот.
Во Никеа, земјоделците и сточарите поставиле бариери на наплатната рампа Макрихори, дозволувајќи слободен премин за возила до 17 часот, додека ги интензивираа протестите со затворање на заобиколните патишта и спореден пат на стариот автопат Лариса-Волос.
Во Лариса е најавен и конвој од трактори за дистрибуција на летоци со барањата на земјоделците.
За да се олесни патувањето за Нова Година, надвозникот е планиран да биде отворен во вторник, 30 декември.
Според достапните податоци, 57 блокади се активни низ Грција, а се разгледува национален состанок на земјоделците за сабота.
Земјоделците велат дека остануваат обединети, вклучително и оние кои се залагаат за дијалог.
Вниманието на јавноста сега е насочено кон одлуките што земјоделците ќе ги донесат во наредните денови, како и кон локацијата на националниот состанок, што би можело да го одреди понатамошниот тек на протестите.
