сабота, 12 јули 2025

Техеран тврди: Трамп молеше за примирје

Иранските државни медиуми во текот на ноќта објавија за прекин на огнот одобрен од американскиот претседател Доналд Трамп, тврдејќи дека тој бил „наметнат на Израел по успешниот воен одговор на Техеран на американската агресија“.

Фото: Епа

Објавено на

часот

Сподели

Како знак дека Техеран планира да ѝ го продаде прекинот на нападите на иранската јавност, државната телевизија тврдеше дека Трамп побарал прекин на огнот „на начин што личи на молење“.

Меѓутоа, Трамп имаше поинаква верзија за настаните.

На социјалната мрежа Трут соушл, тој изјави дека Израел и Иран му се обратиле „речиси истовремено и побарале мир“.

„Израел и Иран ми се обратија, речиси истовремено, и ми рекоа: „Мир!“. Знаев дека дојде моментот. Светот и Блискиот Исток се вистинските победници! Двете нации ќе доживеат огромна љубов, мир и просперитет во својата иднина. Тие имаат толку многу да добијат и толку многу да изгубат ако отстапат од патот на праведноста и вистината. Иднината на Израел и Иран е неограничена и исполнета со големо ветување. Нека Бог ве благослови!“, напиша американскиот претседател.

ТОП ВЕСТИ

ПОСЛЕДНИ ВЕСТИ