Велика Британија
„Ова е момент на длабоко олеснување што ќе се почувствува низ целиот свет, но особено за заложниците, нивните семејства и цивилното население во Газа, кое преживеа незамисливо страдање во последните две години“, рече премиерот Кир Стармер, според британската агенција Прес асосиејшн.
Канада
„Му честитам на американскиот претседател Доналд Трамп за неговото клучно лидерство и им се заблагодарувам на Катар, Египет и Турција за нивната неуморна работа во поддршка на преговорите“, напиша премиерот Марк Карни на платформата Икс. „Олеснување е да се знае дека заложниците наскоро ќе бидат повторно обединети со своите семејства“.
Congratulations to President Trump for his essential leadership and thank you to Qatar, Egypt and Türkiye for their tireless work to support the negotiations.
I am relieved that the hostages will soon be reunited with their families.
After years of intense suffering, peace…
— Mark Carney (@MarkJCarney) October 9, 2025
Индија
Премиерот Нарендра Моди, според Ројтерс, изјави дека се надева дека ослободувањето на заложниците и зголемената хуманитарна помош ќе им донесат олеснување на луѓето од Газа и ќе го отворат патот за траен мир.
Пакистан
„Објавувањето на договор што ќе го заврши геноцидот во Газа е историска можност за постигнување траен мир на Блискиот Исток“, рече премиерот Шехбаз Шариф на Икс.
The announcement of an agreement that will bring an end to the genocide in Gaza is a historic opportunity to secure lasting peace in the Middle East.
President Trump’s leadership throughout the process of dialogue and negotiations reflects his unwavering commitment to world…
— Shehbaz Sharif (@CMShehbaz) October 9, 2025
Австралија
„По повеќе од две години конфликт, земање заложници и ужасна загуба на цивилни животи, ова е многу потребен чекор кон мир“, се вели во заедничката изјава на премиерот Ентони Албанезе и министерката за надворешни работи Пени Вонг. „Ги повикуваме сите страни да ги почитуваат условите на планот“.
Нов Зеланд
„Објавата на претседателот Трамп… е пресвртница во конфликтот што одзеде премногу животи“, напиша премиерот Кристофер Луксон на Икс. „Нов Зеланд ја поздравува веста и се надева дека таа ќе биде основа за трајно решение каде што идните генерации Израелци и Палестинци ќе можат да живеат во мир и безбедност“.
President Trump’s announcement of agreement on a first phase of a Peace Plan between Israel and Hamas is a watershed moment in a conflict that has killed too many.
New Zealand welcomes the news and hopes this provides a platform for a lasting solution where future generations of…
— Christopher Luxon (@chrisluxonmp) October 9, 2025
Аргентина
Претседателот Хавиер Милеа му честиташе на својот американски колега, нарекувајќи го договорот историски и извонреден придонес кон светскиот мир, објави тој на Икс.
