„Време е да се вклучиме и да се поврземе, бидејќи само заедно можеме да ја прогласиме победата. 28.12. Се гледаме низ цела Србија“, напишаа тие.
Студентите вчера за порталот Нова изјавија дека „иако сега се чини дека се „стишиле“, тие всушност само се подготвуваат за нешто поголемо и помасовно“.
Во исто време, пренесува Н1, тие истакнаа дека ќе ја следат ситуацијата со зградата на Генералштабот и дека доколку има притисок од државата во врска со овој културен објект, ќе има протести.
„Доколку почнат да вршат поголем притисок врз Генералштабот, тогаш ќе има протести за тоа. Освен програмата, во моментов целиот наш фокус е на борбата за заштита на Генералштабот и зачувувањето на културното и историското наследство. Веруваме дека ситуацијата со Заводот за заштита на спомениците на културата и притисоците на кои се изложени е исклучително сериозна и бара целосно внимание од јавноста. Затоа наш приоритет е да ја заштитиме историјата, правото на сеќавање и јавниот интерес. Ќе ја информираме јавноста навремено за конкретните чекори и активности што ги подготвуваме“, рекоа тие.
Додадоа дека нема да се откажат од своите барања во врска со Генералштабот.
„Нашите барања се укинување на таканаречениот лекс специјалис за комплексот и парцелата на Генералштабот, поништување на незаконската одлука на Владата на Република Србија и враќање на статусот на културно добро на Генералштабот. Исто така, бараме завршување на истрагата од страна на Обвинителството за организиран криминал за фалсификување на документот со кој Владата на Србија го одзеде статусот на културно добро на Генералштабот во ноември 2024 година“.
