„И граѓани и студенти беа грабани за нозе и раце и фрлани на страна“, вели Давуд Делимеџац, студент од Нови Пазар.
Студентите велат дека полицијата употребила насилни мерки, дел од учениците биле соборени, а дел повредени.
Novi Pazar.
Policija sklanja studente, ima i povređenih.
🎥Ig: blokada.dunp pic.twitter.com/olpzWzSAVl— 💀Patogeni puding💀 (@PatogeniP) April 12, 2025
„Дојде полиција, седнавме на подот, пружавме пасивен отпор. Полицијата употреби сила, буквално нè фрлаше од патот. Повредени се неколку студенти, еден средношколец има повреди на главата и раката, интервенираше Брза помош“, изјави Делимеџац.
Полицијата, посочува, добила наредба да ги отстрани за да може да се помине.
Според Делимеџац, државен службеник, вработен во Градската управа од автобусот ги пцуел децата пред полицијата да постапи по „службена должност“.
Според него, таму имало над 50 студенти кои мирно седеле на асфалтот, а имало и жители на Нови Пазар, јавува Н1.
Novi Pazar danas! pic.twitter.com/tCGq3MHrTJ
— AudioSnave (@SnaveAudio) April 12, 2025
Како што јави репортерот Н1 од Нови Пазар, дел од полицијата веќе се повлекла од кружниот тек, тој е прооден за сообраќај, но сè уште има полициски возила. Таму сè уште има собрани студенти и граѓани.
Студентот Андреј од Белград за Н1 вели дека бил во првиот ред кога се случил инцидентот.
„Полицијата почна насилно да нè поместува, да нè крева, да нè влече по патот… врз нас употребија сила. Ни се закануваа и луѓето од автобусот, се залетуваа на нас, но полицијата спречи поголеми инциденти“, вели овој студент на кој при интервенцијата полицијата му ја скинала јакната.
