Тие дојдоа до седиштето на Канцеларија за Косово и Метохија на српската влада во Нов Белград, кревајќи бучава и протестирајќи против политиката на Белград кон Косово, од насока на Правниот и Земунскиот факултет.
Носеа државни знамиња и знамиња со ликот на црковни светци, пееја косовски песни и скандираа против српскиот претседател Александар Вучиќ.
Studenti u blokadi i građani koji su se prethodno okupili ispred Pravnog fakulteta krenuli su u šetnju do Kancelarije za Kosovo i Metohiji u znak podrške kolegama sa Univerziteta u Prištini sa sedištem u Kosovskoj Mitrovici i sunarodnicima sa Kosova.
Opširnije čitajte u našem… pic.twitter.com/JK5baappZY
— TV N1 Beograd (@n1srbija) October 11, 2025
Никола Марчетиќ, студент на Факултетот за музичка уметност, за Н1 изјави дека собирот е еден од најважните, бидејќи им испраќа порака на луѓето од Косово дека студентите се со нив.
„Со години нашите луѓе во Косово и Метохија беа изложени на најголема тортура, репресија, оставени на нивна милост и немилост, а најодговорен за ова е овој монструозен предавнички режим“, изјави тој за Н1.
Тој испрати, како што е напишано на веб-страницата на таа телевизија, порака до своите сонародници во Косово:
„Нашата порака е дека сме со нив од срце, дека се бориме и дека во согласност со нашиот устав, Косово е неотуѓив дел од територијата на Република Србија“, порача тој.
Според него, тој ќе се бори „со сета своја сила и со сето свое срце“ за тие луѓе и за почитување на уставот на Република Србија.
Марчетиќ ги оцени собирите на поддржувачите на владата во поддршка на Србите во Косово како „парадокс и фарса“.
„Во последните 13 години, преку сите тие неуставни договори, бевме сведоци дека овој режим е најодговорен за ситуацијата во која се наоѓа нашиот народ“, кажа тој.
Тој верува дека владејачката Српска напредна партија сакала да ги претстави студентите како „погрешна опција“ и да ги дискредитира со своите состаноци.
