Со нив тргнаа и репортери од одделни српски медиуми, а студентите на социјалните мрежи ќе известуваат за патувањето. Загинувањето на 16 главно млади луѓе при уривањето на стреата на 1 ноември на неодамна реновираната железничка станица во Нови Сад предизвика бран протести на кои власта се обвинува за корупција и нестручно градење.
Studenti i članovi akademske zajednice biciklima kreću do sedišta Saveta Evrope u Strazburu, kako bi evropskim zvaničnicima skrenuli pažnju na situaciju u Srbiji. Sa njima su reporteri N1 i Nove. pic.twitter.com/DEoy38AUAP
— TV N1 Beograd (@n1srbija) April 3, 2025
Студентите почнаа блокада на повеќе од 60 факултети откако поддржувачи на владејачката Српска напредна партија ги нападнаа за време на комеморативна блокада додека со молк им оддаваа почит на загинатите.
Блокадите во меѓувреме прераснаа во студентско движење, проследено со бројни секојдневни акции, маршеви од по неколку стотици километри на масовните протести низ Србија и акции кои добија неочекувано голема поддршка од пошироката заедница.
Во новата акција „Тур де Стразбур“ 80 студенти ќе возат велосипеди до Стразбур за да им се обратат на функционери на Советот на Европа, Европската Унија, Европскиот парламент и Европската комисија.
Студентите првата делница ја возат до Суботица, па потоа преку Будимпешта, Братислава, Виена и Улм планираат да стигнат до Стразбур за две недели.
