Аналитичарот на Би-би-си Крис Партриџ наведува дека ова е една од најголемите операции за потрага и спасување во последните години, во која биле користени значајни воени ресурси.
Според Би-би-си, офицерот за оружје кој седел на второто седиште на Ф-15Е „страјк игл“, бил повреден за време на мисијата над јужен Иран. И покрај тоа што бил повреден, тој успеал да се движи и да избегне заробување повеќе од еден ден, вооружен само со пиштол.
Ова е прво соборување на Ф-15Е во борба по повеќе од 20 години.
Американските сили отвориле оган за да спречат ирански војници да се приближат до местото каде што се наоѓал пилотот. Според достапните информации за време на операциите имало и размена на оган со иранските сили.
Би-би-си наведува и дека два од петте американски транспортни авиони кои се користеле во операцијата не успеале да полетаат од Иран. Американските сили ги уништиле наводно за да не паднат во рацете на непријателот.
Photos show the charred remains of 2 U.S. Air Force C-130 Hercules at the site of a temporary forward operations base in Southern Iran that was utilized during last night’s operation by U.S. Special Forces, with the aircraft being destroyed to prevent their falling into enemy… pic.twitter.com/A6JQX40AxL
— OSINTdefender (@sentdefender) April 5, 2026
