Трамп го критикуваше Стармер за тоа што одби да се придружи на нападите врз Техеран во текот на викендот и за тоа што првично не им дозволи на САД да користат британски воени бази за бомбардирање на иранскиот режим. Премиерот подоцна попушти и им дозволи на Американците да ги користат базите за одбранбени цели, во време кога Иран лансираше ракети и беспилотни летала низ регионот.
За време на редовниот „час со премиерот“, на прашањето зошто не ги овластил британските воздухопловни сили (РАФ) да преземат офанзивни акции против Иран, Стармер одговори: „Во саботата не бев подготвен да го вовлечам Обединетото Кралство во војна освен ако не бев убеден дека има законска основа и одржлив и добро осмислен план. Сè уште стојам зад тој став“.
Високи претставници на Конзервативната партија и на Реформската партија на Британија го обвинија Стармер дека ги загрозува „специјалните односи“ меѓу Британија и САД. Трамп синоќа изјави дека Стармер „не е Винстон Черчил“. Сепак, премиерот ги отфрли критиките. „Британските воени авиони соборуваат беспилотни летала и ракети за да ги заштитат американските животи на Блискиот Исток, во нашите заеднички бази.
Ова се посебните односи на дело. Секојдневно споделуваме разузнавачки информации за да ги заштитиме нашите луѓе. Ова се посебните односи на дело. Слепото држење до најновите изјави на претседателот Трамп не се посебните односи на дело“, кажа Стармер.
