Стармер нагласи дека британската војска е ангажирана во заштита на сојузниците и интересите на земјата, додавајќи дека „британските авиони денес се во воздух“ како дел од заедничките одбранбени активности. Британските сили се ангажирани за заштита на британските граѓани, војници и сојузниците во регионот, рече британскиот премиер.
Премиерот го опиша режимот во Иран како „одвратен“ и предупреди дека никогаш не смее да му се дозволи да развие нуклеарно оружје, како и дека регионот не смее да се втурне во поширока војна и дека е потребна е воздржаност од сите страни.
„Нашите сили се активни и британските авиони се во воздухот денес како дел од регионалните координирани одбранбени операции за да ги заштитиме нашите луѓе, нашите интереси и нашите сојузници“, изјави Стармер, сигнализирајќи поддршка за американските партнери и регионалната безбедност.
Вклучувањето на британските сили сигнализира дека кризата околу Иран веќе не е ограничена само на Израел и САД, туку добива поширока западна безбедносна димензија. Со распоредувањето авиони и активирањето воени капацитети, Лондон покажува подготвеност да ги заштити своите интереси и сојузници во регионот, но истовремено се обидува да ја задржи позицијата на сила што делува одбранбено, а не како иницијатор на нападите.
