Се појави видео кое открива дека тој бил совладан од патник од Србија. Тој го спуштил на подот и го држел додека не пристигнал персоналот, велејќи му да „седне“.
На снимката може да се слушне како еден од патниците сочно пцуе на српски јазик, станувајќи и соборувајќи го човекот кој се заканува со бомба.
.@BBCNews .@SkyNews no coverage yet of bomb threat incident on an easyJet plane this morning? I have full video available showing passenger take down and the man’s id as taken by a friend on the plane pic.twitter.com/SOTrAaKLng
— Trevor Nicosia 🧢🖌101 (@nyssa7) July 27, 2025
Патникот гласно извикувал: „Ќе го кренам авионот во воздух! Смрт за Америка! Смрт за Трамп!“, потоа неколкупати повторил „Алах Акбар“. Патниците биле во паника, но еден од нив храбро скокнал од своето седиште, го зграпчил човекот одзади и го соборил на подот. Други патници му притрчале на помош и го држеле до принудното слетување во Глазгов.
Еден од патниците кои го совладале му рекол на човекот да не се движи. Според извештаите, мажот почнал да се заканува откако се вратил од тоалетот. Властите потврдија дека дејствувал сам, а при пребарувањето на авионот не е пронајден експлозивен материјал. Полицијата го уапси човекот на аеродромот во Глазгов веднаш по слетувањето.
Изиџет соопшти дека безбедноста и благосостојбата на патниците и членовите на екипажот им е главен приоритет и дека полицијата го отстранила патникот поради неговото однесување за време на летот. На социјалните мрежи корисниците го пофалија патникот од Србија кој спречил потенцијална опасност.
