Фалкон 9 полета во 14:16 часот по локално време, пробивајќи ги облаците над вселенската станица Кејп Канаверал. Мисијата е означена како НРОЛ-77, а товарот е, како и обично со НРО, обвиен во тајност.
Националната извидувачка канцеларија, која работи во рамките на Министерството за одбрана на САД, е одговорна за управување со флотата на американски шпионски сателити. Во официјалното соопштение на НРО само се наведува дека мисијата „носи товар за националната безбедност дизајниран, изграден и управуван од НРО“, без да даде никакви дополнителни технички или оперативни детали.
Liftoff! pic.twitter.com/4iQmX6dSF8
— SpaceX (@SpaceX) December 9, 2025
Симболичните детали не се исклучок. Ознаките на мисијата НРОЛ-77 прикажуваат летачка верверица, со натпис „Уште една извршена – денес, утре и понатаму“. Службениците на НРО во материјалите за медиумите изјавија дека летачката верверица симболизира трудољубивост и издржливост.
„Секогаш активна, таа собира фундаментално знаење од вселената за нацијата и сојузниците. Секоја мисија е важна, секоја одлука има тежина и секој напредок нè води понатаму. „Уште една извршена – денес, утре и понатаму“ отелотворува неуморна потрага по совршенство“, соопшти НРО.
Лансирањето на НРОЛ-77 е втората мисија на НРО што ја спроведува Спејсекс во рамки на договорот за Национално безбедносно вселенско лансирање (НССЛ) фаза 2, доделена на компанијата во август 2020 година. Според Спејсекс, ова е третата мисија за НРО и Командата на вселенски системи на САД што компанијата ја спроведе оваа година.
Вкупно, ова беше седмиот лет на Фалкон 9 во 2025 година со ознаката „ НРОЛ-“. Порано оваа година беа лансирани мисиите НРОЛ-153, НРОЛ-57, НРОЛ-69, НРОЛ-192, НРОЛ-145 и НРОЛ-48, во периодот од јануари до септември.
Falcon 9’s first stage lands on LZ-2 pic.twitter.com/63yup6zvUT
— SpaceX (@SpaceX) December 9, 2025
Првата фаза од ракетата Фалкон 9 успешно се врати и слета во Кејп Канаверал, уште еднаш потврдувајќи ја практиката на Спејсекс за повторна употреба на ракетните системи, дури и во сложени и чувствителни мисии за американската војска и разузнавачката заедница.
