Мисијата наречена Фрам2 полета од вселенскиот центар Кенеди во Флорида околу 21:46 часот по локално време. Екипажот се состои од милијардерот од светот на криптовалутите Чун Ванг, кој и го финансираше целиот потфат, и тројца негови сопатници: норвешката режисерка Јанике Микелсен, германската истражувачка за роботика Рабеа Роге и австралискиот поларен истражувач Ерик Филипс. Ванг, кој живее на Малта, се збогати со рударење на биткоин, а колку му платил на Спејсекс за ова ексклузивно патување не е познато.
L-2h05m
Side hatch closed. We are go for launch. 🚀 pic.twitter.com/EGcvYFRKVx
— Chun (@satofishi) March 31, 2025
Интересно е што сите членови на екипажот се љубители на поларните предели, па во тој дух е избрана и орбиталната патека – капсулата Кру драгон ќе ја заобиколи целата планета над нејзините полови, што технички е многу тешко и никогаш не било пробано со човечки екипаж.
This is the first time humans have been in orbit around the poles of Earth! https://t.co/mbmKkADED2
— Elon Musk (@elonmusk) April 1, 2025
По полетувањето, ракетата Фалкон 9 се упати кон југот – за разлика од вообичаените вселенски летови што следат источна траекторија поради вртењето на Земјата, кое дава дополнителна сила. Но овој пат летот мораше да оди спротивно на тоа, што бара значително повеќе енергија и го ограничува количеството на товарот што може да се носи во орбитата.
„Таквата траекторија значително ја оптоварува ракетата бидејќи троши повеќе гориво, но Фалкон 9 ја заврши задачата без никакви проблеми“, вели професорот Крег Клајвер од Универзитетот во Мисури.
Иако екипажот ќе спроведе 22 научни експерименти, повеќето од нив се однесуваат на здравјето на членовите на екипажот и би можеле да се изведат и на стандардната рута. Затоа, експертите веруваат дека поларната орбита е избрана првенствено поради уникатноста на мисијата, а не поради научна потреба.
„Тоа е приватна мисија и тие дефинитивно сакаат нешто посебно – нешто незаборавно“, рече д-р Кристофер Комбс од Универзитетот во Тексас.
This is the first time humans have been in orbit around the poles of Earth! https://t.co/mbmKkADED2
— Elon Musk (@elonmusk) April 1, 2025
Чун Ванг, основачот на Ф2Пул – една од најголемите мрежи за рударење биткоин – не ѝ е познат на пошироката јавност и експертите велат дека тој ја претпочита приватноста. Сепак, неговото богатство се проценува на милијарди долари.
Норвежанката Јанике Микелсен, сосетка на Ванг на архипелагот Свалбард во Арктичкиот круг, режира и снима документарни и научнофантастични филмови во екстремни услови, а најави и снимање на филм за оваа мисија.
Rollout and vertical ✅
Dry dress rehearsal ✅
Static fire ✅ pic.twitter.com/Ntzp99twOh— Chun (@satofishi) March 30, 2025
Рабеа Рог е докторантка што ја истражува навигацијата и управувањето на автономните возила во тешки услови. Со овој лет таа станува првата Германка во орбитата.
Fram2 – the first human spaceflight to explore Earth’s polar regions – lifts off from pad 39A in Florida only 17 days after Falcon 9 successfully launched @NASA‘s Crew-10 to the @Space_Station pic.twitter.com/90AV1DBlPj
— SpaceX (@SpaceX) April 1, 2025
Австралиецот Ерик Филипс е искусен поларен водич и истражувач што има спроведено повеќе од 30 експедиции на Арктикот и Антарктикот. Тој за оваа мисија рече дека „тоа е вистинско огледало на престојот во сурови, негостопримливи услови – како да сме затворени во капсула среде вселенска снежна бура“.
Екипажот се подготвуваше за мисијата повеќе од една година, вклучувајќи обука во далечни делови на Алјаска и во седиштето на Спејсекс во Калифорнија. Пред лансирањето, Ванг рече дека не е возбуден ниту нервозен, туку целосно фокусиран: „Сѐ што требаше да се направи е направено. Сега треба само да се следи протоколот“, напиша тој на социјалните мрежи.
Named in honor of Fram, the first exploration ship to complete voyages to the Arctic and Antarctica in the late 1800s, the @framonauts are carrying a small piece of that ship with them to orbit pic.twitter.com/dDTJNiT7lc
— SpaceX (@SpaceX) April 1, 2025
