„Руски брод од „флотата во сенка“ опфатен со санкции изведуваше сомнителни маневри во близина на електричниот кабел што ги поврзува Полска со Шведска. По ефикасната интервенција на нашата војска, бродот отплови кон едно од руските пристаништа“, соопшти Туск на платформата Икс.
Полскиот воен брод Хевелиус плови кон местото на инцидентот, додаде тој.
Rosyjski statek z „floty cieni” objęty sankcjami wykonywał podejrzane manewry w pobliżu kabla energetycznego łączącego Polskę ze Szwecją. Po skutecznej interwencji naszego wojska statek odpłynął do jednego z rosyjskich portów. ORP „Heweliusz” płynie na miejsce zdarzenia.
— Donald Tusk (@donaldtusk) May 21, 2025
Министерот Владислав Кошњак-Камиш изјави дека инцидентот со рускиот брод се случил во вторник и дека Полска испратила борбени авиони кон бродот иако танкерот бил во меѓународните води на Балтичкото Море, но „премногу блиску до подводниот кабел“.
Министерот за денес најави состанок на морнарицата и безбедносните служби со премиерот Туск во пристаништето Гдиња.
„Флотата во сенка“ се однесува на стари танкери и товарни бродови, од кои многу се во многу лоша состојба, кои транспортираат руска нафта под знамињата на други земји за да избегнат санкции.
Земјите во чии води пловат, исто така, предупредуваат на еколошката опасност поради лошата состојба на овие бродови, кои не се осигурени, и дека ќе мора сами да платат за санација на евентуално истекување на нафта.
