Во тужбата се тврди дека кратењата се незаконски и го загрозуваат јавното здравје.
Од судот се бара веднаш да ја спречи администрацијата на Трамп да ги прекине парите кои Конгресот ги додели за време на пандемијата и кои главно се користени за тестирање на нови вакцини и вакцинација. Парите оделе и за програми за зависности и ментално здравје.
Повеќе од две десетини грантови за истражување поврзани со ковид, финансирани од Националниот институт за здравство веќе се откажани. Локалните и државните служби за јавно здравје сè уште го проценуваат влијанието на загубата на средствата.
„Скратувањето на овие средства ќе направи пресврт во нашиот напредок во опиоидната криза, ќе ги однесе нашите системи за ментално здравје во хаос и ќе ги остави болниците на цедило“, рече денеска еден од обвинителите. Вработените во американското Министерство за здравство денеска почнаа да добиваат известувања за отпуштање, а се верува дека се отпуштени вкупно 10.000 луѓе.
Федералните здравствени власти ја објавија одлуката за намалување на финансирањето пред една недела. Портпаролите на американското Министерство за здравство рекоа дека агенцијата „повеќе нема да троши милијарди долари од даночните обврзници за да одговори на непостоечка пандемија од пред многу години“.
