Целта на оваа итна мерка е да се намалат проблемите во снабдувањето со нафтени деривати, но првиот ден од нејзиното спроведување беше обележан со редици и застои на клучни локации.
Според усвоените мерки, дозволени се максимум 50 литри гориво дневно на една бензинска пумпа за физичко лице и 200 литри за правно лице и физичко лице кое врши дејност, вклучително и земјоделска. Ограничувањата ќе важат неодредено време.
Словенечката армија е исто така вклучена во дистрибуцијата на гориво, а нејзини припадници ќе помагаат во транспортот и снабдувањето. Властите ги повикаа дистрибутерите да ги координираат испораките од магацините до бензинските пумпи за да се забрза испораката и да се зголеми ефикасноста на снабдувањето.
Трговците со гориво се должни редовно да доставуваат извештаи до владата за состојбата на бензинските пумпи, врз основа на кои властите ќе одлучуваат за можни дополнителни мерки.
Премиерот Роберт Голоб објави дека се разгледуваат мерки кои конкретно би ја ограничиле продажбата на гориво на странски државјани и им се препорача на трговците да подготват соодветни чекори во таа насока.
Проблемите со снабдувањето се најизразени кај компанијата Петрол, која беше критикувана од премиерот, додека од компанијата велат дека вложуваат максимални напори за да обезбедат стабилно снабдување на мрежата.
