Сијарто рече дека украинското Министерство за надворешни работи вчера тврдело дека Унгарците немаат право да одлучуваат за кандидатурата на Украина за ЕУ, објави новинската агенција МТИ.
Тој нагласи дека не е во надлежност на украинскиот претседател Володимир Зеленски или неговата влада да одлучуваат за членството на Украина во ЕУ, туку за тоа одлучуваат граѓаните на ЕУ.
Тој додаде дека Унгарија не сака да учествува во пристапувањето на земја во ЕУ „која носи закана од војна“, што ја загрозува „енергетската безбедност“ и што некогаш „речиси донесе“ пропаст на унгарските земјоделци.
Сијарто рече дека Украина, иако бара поддршка од Унгарците, „систематски ѝ ги одзема малцинските права на унгарската заедница во Закарпатија“ во последните десет години.
