„Што се однесува до мобилизацијата, можам да кажам дека е добро познат факт. Не само во Унгарија, не само во Украина, туку низ целиот свет. Добро е познато дека во Украина отворено се води лов на луѓе, дека во Украина постои присилна мобилизација“, кажа Сијарто на прес-конференција во Будимпешта.
Тој додаде дека сите знаат дека за време на присилната мобилизација, луѓето се тепани, дури и до смрт во одредени случаи.
„И тие можат да си го дозволат тоа, бидејќи според провоените европски политичари, на Украина ѝ е дозволено да прави што сака во оваа ситуација“, заклучи унгарскиот министер.
Според него, еден од „најголемите срамови на Европа во 21 век е токму тоа што во самото срце на Европа луѓето се ловат, тепаат, понекогаш до смрт, под изговор на мобилизацијата“.
„Мислам дека покрај конкретните сторители, одговорност сносат и сите политичари во Брисел кои ги затвораат очите пред овие злосторства“, нагласи унгарскиот министер.
