Посетата на Нетанјаху на Унгарија е прво патување на израелски лидер на европско тло откако Меѓународниот кривичен суд издаде налог за негово апсење во мај 2024 година, пишува Си-ен-ен.
Судот наведе дека има „разумна основа“ да верува дека Нетанјаху сноси кривична одговорност за воени злосторства, вклучително и „изгладнување како метод на војување“ и „злосторства против човештвото како што се убиства, прогон и други нехумани дејствија“, се вели во текстот.
МКС нема свои извршни овластувања, наведува овој медиум, па затоа се потпира на своите земји-членки за апсење и префрлање на осомничените во Хаг. Како потписник, Унгарија е должна да го уапси Нетанјаху, пишува Си-ен-ен.
Ако се повлече од МКС, Унгарија ќе стане единствената земја од Европската Унија што не е дел од овој суд, се вели во извештајот.
Израел не е член на МКС, ниту пак САД, Кина, Русија, Саудиска Арабија и други земји.
