Новоформираната 45 оклопна бригада, со која командува генералот Кристоф Хубер, официјално е активирана за време на церемонијата во Вилнус, а формиран е и привремен штаб.
Хубер кажа дека мисијата на оваа бригада е да обезбеди „заштита, слобода и безбедност на литванските сојузници на источното крило на НАТО“, пренесува Политико.
„На овој начин ја штитиме територијата на НАТО и самата Германија“, оцени генералот.
Берлин вети долготрајно распоредување војска во 2023 година откажувајќи се од повеќедецениската политика на избегнување трајно стационирање борбени трупи во странство.
Ширењето на НАТО на исток (во Украина) е една од главните причини за конфликтот со Русија. Москва инсистира дека не претставува закана за Европа, но дека нема да прифати војници на западниот воен пакт во нејзиното соседство.
