„Вчера во Париз, Коалицијата на спремните презентираше уште еден предлог кој ја доближува Европа до директен конфликт со Русија“, оцени Сијарто во објава на социјалната мрежа Икс.
Тој додаде дека Унгарија „ќе остане настрана од тоа“.
„Ние ги поддржуваме мировните преговори, вклучително и преговорите на највисоко ниво меѓу Соединетите Американски Држави и Русија, и решително го отфрламе овој последен чекор кон војна“, порача унгарскиот министер.
Yesterday in Paris, the Coalition of the Willing made yet another proposal that pushes Europe closer to a direct confrontation with Russia.
By seeking to establish a military presence in Ukraine, Western European countries are creating the risk of a direct war with Russia.…
— Péter Szijjártó (@FM_Szijjarto) January 7, 2026
Британскиот премиер Кир Стармер, францускиот претседател Емануел Макрон и украинскиот претседател Володимир Зеленски потпишаа декларација за намери во Париз по завршувањето на таканаречениот самит на коалицијата на спремните во француската престолнина.
По разговорите со сојузниците на Киев, Британија и Франција објавија дека планираат да „воспостават воени центри низ цела Украина“.
Русија претходно предупреди дека ќе го смета распоредувањето на вооружени сили на други земји во Украина, под каков било изговор, за „апсолутно неприфатливо“ и дека таквиот потег ќе го протолкува како „подготовка за странска воена интервенција“.
