Како што објави украинското Министерство за надворешни работи на социјалните мрежи, Сибиха во својот говор се фокусираше на слободата на пловењето.
„Сега е потребно да се зголеми притисокот врз Русија, која во февруари изврши повеќе напади врз пристанишната инфраструктура на Одеса отколку во целата претходна година“, додаде Сибиха.
Украина бара од своите партнери да работат и на расчистување на мините од Црно Море и да обезбедат присуство на сојузнички воени бродови во регионот.
Сибиха кажа дека не може да има стабилна трговија на ова море ако неговиот центар е милитаризиран полуостров под контрола на агресивна држава.
„Она што почна на Крим мора да заврши на Крим. Крим е Украина“, додаде министерот.
Русија го анектираше украинскиот црноморски полуостров Крим по референдумот одржан во 2014 година.
