„Се браниме, без оглед на цената, и не поставуваме никакви ограничувања во одбраната и заштитата на нашиот народ“, изјави тој. „Никој не може да ни каже дека немаме право да се браниме“, истакна Аракчи.
Тој нагласи дека „она што го прават САД е чин на агресија, а она што го правиме ние е одбрана. Тоа е многу различно“.
Претходно, во телефонски разговор со својот омански колега, Бадр Албусаиди, Аракчи кажа дека Техеран е отворен за сите сериозни напори за деескалација, по израелските и американските напади за време на викендот, објави Министерството за надворешни работи на Оман.
Оман дејствува како посредник во нуклеарните преговори меѓу Соединетите Американски Држави и Иран.
Израел и Соединетите Американски Држави го нападнаа Иран вчера рано наутро, кој возврати со ракетни напади врз голем број земји во регионот, главно таму каде што има американски воени бази.
