Стејт департментот соопшти дека целта на патувањето е Рубио да го увери Израел во поддршката на Соединетите Американски Држави, пред претстојното признавање на палестинската држава од страна на повеќе земји на Генералното собрание на Обединетите нации.
Посетата доаѓа и покрај негодувањето на американскиот претседател Доналд Трамп поради израелскиот напад врз лидерите на палестинското исламистичко движење во Катар, кој е сојузник на САД.
Цел на бомбардирањето беа претставниците на Хамас кои се состануваа во станбен комплекс во срцето на Доха, главниот град на Катар, кој посредува во преговорите за прекин на огнот во Појасот Газа.
Овој напад „нема да ја промени природата на нашите односи со Израел, но ќе мора да разговараме за тоа какви ќе бидат последиците“, им кажа Рубио на новинарите пред неговото патување во Израел.
