„Ниту една земја нема право да ја преземе територијата на друга, ниту во Украина ниту во Гренланд“, кажа Калас. Таа додаде дека заканата на Доналд Трамп да воведе тарифи за осумте земји кои му се спротивставија во врска со Гренланд го поткопува просперитетот и на Европската Унија и на Соединетите Американски Држави.
Претходно денес претседателката на Европската комисија Урсула фон дер Лаен ги нарече заканите на Трамп „грешка“ и вети „безбедносен пакет за Арктикот“ за решавање на безбедносните проблеми во регионот.
