Неколку моменти по објавата на Елисејската палата Себастијан Лекурну се огласи на својот профил на социјалната мрежа Икс за да каже дека го прифаќа назначувањето.
„Ја прифаќам – по должност – мисијата што ми ја довери претседателот на Републиката да направам сè за да ѝ обезбедам на Франција буџет за крајот на годината и да одговорам на проблемите од секојдневниот живот на нашите сонародници“, напиша тој, меѓу другото во објавата и истакна:
„Мора да ја завршиме оваа политичка криза што ги иритира Французите и оваа нестабилност која е лоша за имиџот на Франција и нејзините интереси.“
J’accepte – par devoir – la mission qui m’est confiée par le Président de la République de tout faire pour donner un budget à la France pour la fin de l’année et de répondre aux problèmes de la vie quotidienne de nos compatriotes.
Il faut mettre un terme à cette crise politique…
— Sébastien Lecornu (@SebLecornu) October 10, 2025
Емануел Макрон, претседателот на Франција, пред назначувањето, изјави дека верува оти постои „можен пат“ за „постигнување компромис“, објави Монд.
„Токму врз основа на ова тој сега ќе ја преземе својата одговорност со назначување на премиерот“, додаде член на неговата придружба, без да даде дополнителни детали за временската рамка за ова именување или профилот на идниот шеф на владата.
Себастијан Лекорну, кој беше назначен за премиер на 9 септември и ја формираше владата само 14 часа пред неговата оставка, беше третиот француски премиер за помалку од една година, а петтиот за две години.
На 5 октомври тој назначи министри во својата влада, а следниот ден поднесе оставка од функцијата премиер.
